Menaxhimi i NVM

Studimet në programin e studimit Menaxhim i  Ndërmarrjeve të Vogla dhe të Mesme zgjasin 3 vjet dhe studenti në fund pajiset me një Diplomë Bachelor me 180 kredite të lëshuar nga Universiteti “Aleksandë Moisiu” Durrës, i akredituar që prej vitit 2017. Çdo semestër zgjat 6 muaj dhe ndahet në fazën teorike dhe atë praktike, me nga 3 muaj secila. Në programin e studimit Menaxhim i  Ndërmarrjeve të Vogla dhe të Mesme të FASTIP-it, të paktën 50% e lëndëve zhvillohen në gjuhën angleze nga lektorë të huaj, gjë që i jep mundësi studentëve të fitojnë njohuritë dhe eksperiencën e një arsimimi europian.Njohuritë e fituara gjatë fazave teorike të studimeve në programin e studimit Menaxhim i  Ndërmarrjeve të Vogla dhe të Mesme dhe eksperienca praktike e perfituar gjatë trajnimeve profesionale ne kompanitë mbështetëse, u japin studentëve aftësitë të njohin proçeset bazë të organizimit, planifikimit, kontrollit dhe menaxhimit në vendin e punës. Ata gjithashtu zotërojnë njohuri të detajuara në financë, marketing, drejtim, shitje dhe shpërndarje, të cilat janë në gjëndje ti aplikojnë në zgjidhjet praktike të problemeve komplekse të biznesit. Për këtë arsye, të diplomuarit nga ky program studimi kanë mundësinë të fillojnë një karrierë të menjëhershme në pozicionin e manaxhimit të mesëm me një gamë të gjërë në fusha të ndryshme të menaxhimit të ndërmarjeve. Shumica e studentëve të programit të studimit Menaxhim i  Ndërmarrjeve të Vogla dhe të Mesme janë punësuar menjëherë pas diplomimit në kompanitë që i kanë mbështetur gjatë 3 viteve të studimit, ku edhe kanë kryer trajnimet profesionale. Shkarko Kurrikulen